28.02.2017

هونه‌ر گه‌شه‌پێده‌ری ره‌وشتی ئازادی و هانده‌ری تێكۆشانی كۆمه‌ڵگایه‌ (3)

هه‌ندێک له‌ هونه‌رمه‌نده‌ کورده‌کان بۆ بازرگانی‌کردنی به‌رهه‌مه‌ کلتورییه‌کانیان هه‌ڵده‌ستن ژن وه‌ک ئامێرێک به‌کار ده‌هێنن و وه‌ک ئامرازێک بۆ زیاتر به‌کاریگه‌رکردنی فرۆشیارییه‌کان...

 

 

 

مسته‌فا قه‌ره‌سو

به‌شی سێهه‌م و کۆتایی

ئێمه‌ له‌ پاڵ‌ زیاتر به‌رهه‌مهێنانی بناخه‌یی و به‌کاریگه‌ری کلتور و هونه‌ری کوردیداین، له‌ پاڵ به‌خشینی کلتورێکی ژیانی و چه‌مکێکداین که‌ ده‌یان و سه‌دان ساڵی کۆمه‌ڵگا بگۆڕێ، له‌ پاڵ‌ وه‌رگرتنی رۆڵی سه‌ره‌کی له‌ گۆڕانکاری کۆمه‌ڵایه‌تی و مێژووییداین. ئێمه‌ نامانه‌وێ هونه‌رمه‌ندان بێ رۆڵ و بێکاریان بکه‌ین، به‌ پێچه‌وانه‌وه‌ وه‌ک له‌مێژووشدا بووه‌، ده‌مانه‌وێ ئه‌مڕۆش ببنه‌ مرۆڤی هه‌ره‌رێزداری کۆمه‌ڵگا و مرۆڤێک که‌ نرخی هه‌ره‌جوان ئاوێته‌ی نرخه‌ کۆمه‌ڵایه‌تییه‌کان بکه‌ن، به‌ڵام ئه‌مڕۆ هه‌ست و نه‌ستی رۆژانه‌یی و کاتی ده‌بزوێنن و هه‌ندێ به‌رهه‌م ده‌رده‌که‌نه‌ پێش که‌ به‌ هیچ شێوه‌یه‌ک هه‌ستی ئازادی و دیموکراتیکی کۆمه‌ڵگا ناخرۆشێنن. واته‌ زۆر که‌م به‌رهه‌م ده‌رده‌که‌وێ که‌ گوزاره‌ له‌ هه‌ستی بناخه‌یی کۆمه‌ڵگا بکات و هه‌ست و سۆز بخوڵقێنێ و هه‌ست و نه‌ستی تاک و کۆمه‌ڵگا بگۆڕێ. ئێمه‌ ئه‌مه‌ وه‌کو که‌موکوڕییه‌کی زۆر گه‌وره‌ ده‌بینین که‌ ته‌نها گوزاره‌ له‌و هه‌ست و نه‌سته‌ کاتیانه‌ى تاک و کۆمه‌ڵگا ده‌کات که‌ له‌و کاته‌دا تێدایه‌. ئه‌مه‌ش له‌ کاتێکدایه‌ که‌ ئه‌رکی سه‌ره‌کی هونه‌رمه‌ند گۆڕینی ئه‌م هه‌ست و نه‌ستانه‌یه‌.

 له‌ دۆخی ئێستادا هه‌ڵوێستێکی به‌مشێوه‌یه‌ش په‌ره‌ ده‌ستێنێ؛ له‌ دنیای ئه‌مڕۆدا هونه‌ر وه‌ها ده‌کرێ، هونه‌رمه‌ندی به‌و ره‌نگه‌ و به‌م ره‌نگه‌ ده‌کرێ و ئێمه‌ش پێویسته‌ وا بکه‌ین و وه‌ک ئه‌وان بکه‌ین گه‌ر وا بکه‌ین ده‌بێ چ ببێ و... ته‌نانه‌ت مه‌یلێک گه‌شه‌ ده‌کات که‌ گه‌ر وه‌ک هونه‌رمه‌ندانی سیستم نه‌کرێ گوایه‌ هه‌ڵه‌یه‌ یان دواکه‌وتووییه‌. ئه‌مه‌ هه‌ڵوێست و نزیکبوونێکی زۆر چه‌وته‌. بزوتنه‌وه‌که‌مان که‌ له‌ حه‌فتاکاندا ده‌رکه‌وت ئه‌گه‌ر له‌و سه‌رده‌مه‌دا سه‌ری بۆ مه‌یله‌ گشتییه‌کانى نێو کۆمه‌ڵگای کوردی، نێو رۆشنبیرانی کورد، نێو ته‌واوى مرۆڤی کورد بنه‌واندایه‌ و ئه‌وه‌ی به‌ڕاست دابنایه‌، هیچ هه‌نگاوێکی نه‌ده‌نا و هیچ پێشکه‌وتنێکی ده‌رنه‌ده‌خسته‌ روو. پێویسته‌ ئه‌وه‌ باش بزانرێ که‌ بزواندنی ئه‌و مه‌یل و به‌ها و نرخه‌ کلتورییانه‌ی کۆمه‌ڵگا ناگۆڕن. ئاوێته‌بوونیشی نزیکبوونی کلتورییه‌ به‌وه‌ی که‌ ئه‌مڕۆ هه‌یه‌؛ واته‌ "راده‌ستبوونه‌ به‌ سیستم". هه‌ڵبه‌ته‌ بزواندنی ئه‌وه‌ی ئه‌مڕۆ له‌ بوارێکییه‌وه‌ ده‌بێته‌ کلتوری ناوداری و به‌ناوبانگی، کلتوری ناوداریش له‌ بناخه‌دا ئه‌مه‌یه‌، واته‌ بزواندی هه‌سته‌ پاشڤه‌ڕۆکانی کۆمه‌ڵگا، بزواندنی ئه‌و نرخ و پێوانانه‌یه‌ که‌ سیستمی ئه‌مڕۆکه‌ داوێتی به‌ کۆمه‌ڵگا و ره‌نگدانه‌وه‌ی ئه‌مانه‌یه‌. به‌مشێوه‌یه‌ش ده‌بێته‌ ده‌ستکه‌وتنی بینه‌ری به‌رده‌ست و بزواندنی بینه‌ری ئاماده‌ که‌ سیستمی باوکسالاری و تاڵانکار و زه‌ختهێنه‌ر خوڵقاندوویه‌تی. له‌ دنیای ئه‌مڕۆماندا به‌ تایبه‌تى له‌ دنیای مۆسیقای ئه‌مڕۆماندا ئه‌مه‌ مه‌یلێکی گشتگیرییه‌. دیسان له‌ راستینه‌ی زنجیره‌دراماکانی ئه‌مڕۆدا مه‌یلێکی وه‌ها ده‌بینرێ. له‌ لای ئێمه‌ش هه‌ندێ هونه‌رمه‌ند هه‌ن ده‌ڵێن: "با ئێمه‌ش وا بکه‌ین، گه‌ر وا بکه‌ین چی ده‌بێت؟" کاتێک ئه‌م هه‌ڵوێسته‌یان ره‌خنه‌ش ده‌کرێ، ره‌خنه‌کان زۆر به‌ بیردۆزییانه‌ داده‌نێن یاخود هه‌وڵ ده‌ده‌ن ئه‌م ره‌خنانه‌ وه‌ک ره‌خنه‌ی نه‌گونجاو له‌گه‌ڵ‌ ره‌وشی گشتى جیهان لێکبده‌نه‌وه‌. به‌مجۆره‌ش خۆیان به‌ راست و ره‌خنه‌گریش به‌ ناحه‌ق ده‌زانن و پێداگری له‌ هه‌ڵه‌ و سه‌رپێچییه‌کانیاندا ده‌که‌ن، پێداگری له‌ به‌رده‌وامیدان به‌م مه‌یله‌ ده‌که‌ن. ئه‌مه‌ به‌ هیچ شێوه‌یه‌ک ره‌وشێک نیه‌ که‌ په‌سند بکرێ. نه‌ گه‌ل و نه‌ بزوتنه‌وه‌ی ئازادیمان به‌ هیچ شێوه‌یه‌ک خۆی ناسپێرێته‌ چه‌مکێکی به‌و شێوه‌یه‌ی کلتور و هونه‌ر و سیاسه‌تێکی به‌و ره‌نگه‌ و به‌ هیچ شێوه‌یه‌کیش په‌ی پێ نابه‌ن. چونکه‌ پێویسته‌ گه‌لی کورد به‌ خه‌بات و تێکۆشان ره‌وشی ئه‌مڕۆکه‌ی بگۆڕێ و خۆی له‌ هه‌موو داگیرکاری و تاڵانکاری و شێوه‌ ژیانێکی کۆمه‌ڵایه‌تی ئه‌و سیستمه‌ رزگار بکات. گه‌لێکه‌ که‌ به‌ وابه‌سته‌بوون به‌ ئازادی و دیموکراسییه‌وه‌ ده‌توانێ ده‌ستکه‌وتی باش قازانج بکات. له‌م روانگه‌یه‌وه‌ نابێ بوترێ له‌ دنیادا هونه‌رمه‌ندیی وه‌هایه‌ و وه‌ها هونه‌ر ده‌کرێ و خودپه‌رستانه‌ هه‌ڵسوکه‌وت بکرێ، ته‌نها بیر له‌ خۆکردنه‌وه‌ و بیر له‌ به‌ناوبانگبوونه‌، یاخود به‌ ته‌نها چاوبڕینه‌ له‌ پاره‌ و داهاتی به‌رهه‌م و گوێ‌نه‌دانه‌ به‌ ئاستی خوڵقاندنی کاریگه‌رییه‌کانى له‌سه‌ر کۆمه‌ڵگا و چۆنێتی ئه‌نجامه‌کانى. هه‌ڵبه‌ته‌ هه‌موو ئه‌مانه‌ هه‌ڵوێست و نزیکبوونی هه‌ڵه‌ و نابه‌جێن، ته‌نانه‌ت دێته‌ واتای تاڵانکردنی ئه‌و په‌یوه‌ندییانه‌ی که‌ له‌ ئه‌نجامی ئه‌و نرخانه‌وه‌ وه‌به‌رهاتوون و بزوتنه‌وه‌که‌مان خوڵقاندونی بۆ مۆسقای کوردی و بۆ ئه‌و به‌رهه‌مانه‌ی که‌ کورد به‌ زمانی کوردی کۆمه‌ڵگاکه‌ی وتراون. به‌ راستیش ده‌وڵه‌تی تورک له‌ به‌رامبه‌ر ئه‌مه‌ شه‌ڕی سارد به‌ڕێوه‌ ده‌بات. هه‌ر کات ده‌بینێ له‌ کۆمه‌ڵگای کوردیدا ژیان و مۆزیکی کوردی گه‌شه‌ ده‌ستێنێت، ده‌یانه‌وێ ئه‌م مه‌یله‌ به‌ شێوه‌یه‌کی جیاواز په‌یڕه‌و بکه‌ن، جا چ به‌ فیلم و زنجیره‌ دراما بێت یان به‌ بواره‌کانی دیکه‌ی هونه‌ر.

 له‌ دنیادا هه‌موو ته‌ن و ماده‌ و رووداوێک ده‌شێ بکرێته‌ بابه‌تی بازرگانی به‌ڵام کلتور ــ هونه‌ر به‌ هیچ شێوه‌یه‌ک نابێت. سیستمی کار و به‌رژه‌وه‌ندی کاپیتالیزم هیچ نرخێک نه‌ماوه‌ که‌ نه‌یکردبێته‌ مژاری بازرگانی. بێ‌گومان له‌ولاشه‌وه‌ هونه‌رمه‌ندان ده‌ژین و برسی نامێننه‌وه‌، تینوو نامێنن، به‌ڵام هۆی ئه‌م پێویستییه‌وه‌ نه‌ ده‌شێ به‌رهه‌مه‌ کلتوری و هونه‌رییه‌کان بکرێنه‌ مژاری کڕین و فرۆشتن و نه‌ ده‌شتوانێ به‌ دواى ئامانجێکی وه‌هادا به‌رهه‌می کلتوری و هونه‌ری ده‌ستکه‌وت بکات. ناشێ هونه‌رمه‌ندان کار و کردار و چالاکییه‌کانى خۆیان بکه‌نه‌ مژاری بازرگانی، ئه‌مه‌ سه‌رتاپا خراپبوون و له‌ ره‌سه‌نایه‌تی ده‌رچوونی چه‌مکی کلتوره‌.

بابه‌تێکی دیکه‌ی گرنگیش له‌ رۆژگاری ئه‌مڕۆماندا به‌کارهێنانى ژن وه‌ک ره‌گه‌زێکی ساکار و سه‌روه‌ت و ماده‌ به‌ کلیب و زنجیره‌ درامایی و مۆسیقا و ریکلامه‌کاندا که‌ به‌ سیستمی کاپیتالیست ده‌ستی پێکرد و به‌ دونیادا بڵاو بویه‌وه‌. ئێدی ژن کراوه‌ته‌ ره‌هه‌ندێکی بازرگانی و جوانکارییه‌ک بۆ فرۆشیاری و کراوه‌ته‌ پارچه‌یه‌ک له‌م بازرگانییه‌، چۆن له‌ پێشانگاکانی کڕین و فرۆشتنی ئۆتۆمۆبیلدا ژن وه‌ک نمایشکارێک هه‌ر یه‌کێک له‌ ئۆتۆمۆبیله‌کان ده‌رده‌خرێته‌ پێش. له‌ هه‌مان کاتدا له‌ نێو کاره‌هونه‌رییه‌کانی کلیپ و مۆسیقا و زنجیره‌ دراماییه‌کانیشدا هه‌ر به‌و شێوه‌یه‌ ژن هه‌مان رۆڵی پێ دراوه‌. لێره‌دا ده‌مه‌وێ ئاماژه‌ به‌وه‌ بکه‌م، له‌به‌ر دنیا وه‌ها ده‌کا و وه‌ها ژن به‌کار دێنێت نابێ ئێمه‌ش وا بکه‌ین. به‌ پێچه‌وانه‌وه‌ ژن له‌ نێو هێڵی ئازادی بزوتنه‌وه‌که‌ماندا نه‌ک ته‌نها له‌ به‌رامبه‌ر ئه‌م ره‌وشه‌ی به‌کارهێنانی ژن و له‌ دژی په‌یوه‌ندییه‌ ساده‌ و ساکاره‌کانی کۆمه‌ڵگاکانه‌ له‌سه‌ر بناخه‌ی به‌کارهێنانى ژن، به‌ڵکو به‌ پێچه‌وانه‌وه‌ ژن وه‌ک ره‌گه‌زێک ده‌یبینێ که‌ ته‌واوى په‌یوه‌ندییه‌کانى کۆمه‌ڵگا له‌سه‌ر رێڕه‌و و رێبازی ئازادی و دیموکراتیک پته‌و ده‌کات. له‌ کاتێکدا که‌ به‌ تێکۆشانى ئازادی ژن، پێگه‌یه‌کی به‌و شێوه‌یه‌ی ژن ده‌کاته‌ نموونه‌ بۆ ته‌واوى دنیا، که‌چی هه‌ندێک له‌ هونه‌رمه‌نده‌ کورده‌کان بۆ بازرگانیکردنی به‌رهه‌مه‌ کلتورییه‌کانیان هه‌ڵده‌ستن ژن وه‌ک ئامێرێک به‌کار ده‌هێنن و وه‌ک ئامرازێک بۆ زیاتر به‌کاریگه‌رکردنی فرۆشیارییه‌کان. له‌ حاڵێکدا به‌کارهێنانیان به‌ هیچ شێوه‌یه‌ک په‌سند ناکرێ. له‌ راستیدا ئه‌مه‌ رۆڵێکه‌ که‌ له‌ سیستمی پیاوسالاریدا وه‌ک ره‌گه‌زێکی ده‌ربڕی هه‌ست و سۆزی پیاو و تێرکردنی پیاو، دراوه‌ به‌ ژن.

به‌کارهێنانى ژن له‌و به‌رهه‌مانه‌دا، بابه‌تێکی وێژه‌یی نیه‌، بابه‌تی هونه‌ری نیه‌. پارچه‌یه‌کی گرنگ نیه‌ له‌و هونه‌ره‌ی که‌ بۆ خوڵقاندنی کۆمه‌ڵگایه‌کی نوێ و بۆ بونیادنانى به‌ها و نرخی نوێ خراوه‌ته‌ روو. وه‌ک پارچه‌یه‌کی هونه‌ریش جێ ناگرێ. ئه‌گه‌ر جێگای بگرتایه‌ ئه‌وا گرنگ و واتادار ده‌بوو. لێره‌دا ژن بۆ بڵاوکردنه‌وه‌ی هه‌ست و نه‌سته‌ پاشڤه‌ڕۆکان له‌ کۆمه‌ڵگادا و به‌ تایبه‌تیش بۆ فرۆشتن و بازرگانیکردنی به‌رهه‌مه‌کانیان له‌و کۆمه‌ڵگایانه‌ی که‌ پیاوی وروژێنراو و پیاوسالاری تێدا کاریگه‌ره‌ ئه‌م رێبازه‌ ده‌گرنه‌به‌ر. پێویسته‌ ئه‌مه‌ به‌ باشی ببینرێ، له‌ گرتنه‌به‌ری ئه‌م رێبازه‌دا ئه‌وه‌ی له‌ کۆمه‌ڵگادا ده‌کرێ، به‌ هیچ شێوه‌یه‌ک ده‌رخستنی پێوانه‌ و به‌ها و نرخه‌کانی ئه‌ڤین و خۆشه‌ویستی نێوان ژن و پیاو نیه‌. له‌ زۆرێک له‌ گۆرانییه‌کانی گه‌لی ئێمه‌ و گه‌لانی دیکه‌شدا مۆتیڤی ده‌رخستنی سروشتی په‌یوه‌ندییه‌کانى ژن و پیاوی پێوه‌ دیار ده‌بێ. له‌م لایه‌نه‌شه‌وه‌ زۆرێک داستان و چیرۆک هه‌ن که‌ هه‌مان گه‌وهه‌ر و ناوه‌ڕۆک له‌ خۆوه‌ ده‌گرن. مه‌م و زین، له‌یل و مه‌جنون، فه‌رهاد و شیرین، سیامه‌ند و خه‌جێ، که‌ره‌م و ئاسڵێ هه‌ن دیسان داستانى ده‌روێشی عه‌بدی هه‌یه‌ که‌ زۆر سه‌رنجی رێبه‌ر ئاپۆ راده‌کێشێ. ئه‌وه‌ی که‌ ئێمه‌ ره‌خنه‌ی ده‌که‌ین به‌کارنه‌هێنانی ئه‌م په‌یوه‌ندییه‌ سروشتیانه‌ی ژیانی کۆمه‌ڵایه‌تی نین له‌نێو به‌رهه‌مه‌کاندا، له‌ هه‌مان کاتدا ئه‌وه‌ی که‌ له‌م باره‌شه‌وه‌ کراون وه‌ک پارچه‌یه‌ک و راستینه‌یه‌کی کۆمه‌ڵگای لێک ناده‌ینه‌وه‌. چونکه‌ راستینه‌یه‌کی وه‌ها له‌ نێو به‌رهه‌مهێنراوه‌کاندا ده‌ستنیشان ناکرێ. به‌ پێچه‌وانه‌وه‌ ئه‌و ژن و پیاوه‌ خودپه‌رست و یه‌کدیخۆره‌ی که‌ سیستمی کاپیتالیست له‌ خواستی بونیادنان و خوڵقاندنیدایه‌ به‌م به‌رهه‌مانه‌وه‌ ره‌نگ ده‌داته‌وه‌. له‌ هه‌مان کاتدا خاوه‌نی تایبه‌تمه‌ندی به‌ڕه‌واکردنی به‌کارهێنانى ژن وه‌ک ئامێرێکی سه‌رمایه‌ یان وه‌ک ره‌گه‌زێکی ساکار و بزوێنه‌ر که‌ له‌ سیستمی باوکسالاری به‌رهه‌می دێنێت.

ئه‌م مه‌یله‌ی به‌کارهێنانى ژن وه‌ک ئامێرێ سه‌رمایه‌ و ره‌گه‌زێکی ساکار و بزوێنه‌ر له‌ هه‌موو لایه‌که‌وه‌ ره‌نگی داوه‌ته‌وه‌، به‌ شێوه‌یه‌ک که‌ له‌ ته‌له‌فزیۆنه‌ کوردییه‌کاندا که‌ له‌سه‌ر ره‌وتی ئازادی و دیموکراسی په‌خش و وه‌شان ده‌که‌ن، ئه‌م مه‌یله‌ی به‌کارهێنانی ژن له‌ به‌رهه‌مه‌کاندا ده‌بینرێ که‌ به‌ هیچ شێوه‌یه‌ک نه‌شیاوی په‌سندکردن و له‌خۆگرتنیشه‌. له‌ په‌خش و وه‌شانانه‌ی که‌ به‌ تێکۆشانی گه‌ل و رێبه‌ری ئازادی خوڵقێنراون، ئه‌مانه‌ ده‌بینرن. دیسان ئه‌و په‌خش و وه‌شانانه‌ی که‌ له‌ ئه‌نجامی ره‌نج و خه‌باتی هه‌ڤاڵه‌ ئافره‌ته‌ به‌ نرخه‌کانمان، هه‌ڤاڵه‌ فیداییه‌کانمان که‌ له‌ پێناو خوڵقاندنی ژنی ئازاد و کۆمه‌ڵگای ئازاددا و له‌ پێناو به‌دیهێنانی په‌یوه‌ندی ژن و پیاو له‌سه‌ر بناخه‌ی ئازادی راسته‌قینه‌ و شکاندنی ره‌دکردنی ژن که‌ کۆمه‌ڵگای کاپیتالیست خوڵقاندوێتی تێکۆشاون و له‌ ئه‌نجامی ئه‌م تێکۆشانانه‌دا ئه‌و نرخانه‌ وه‌ده‌ست که‌وتوون، که‌چی هه‌ندێک هه‌ڵده‌ستن به‌م ده‌ستکه‌وتانه‌ ئه‌و مه‌یلانه‌ ده‌رده‌خه‌نه‌ پێش. به‌م به‌ها و نرخانه‌ی که‌ بزوتنه‌وه‌ی ئازادی ژن خوڵقاندوونی و بونیادی ناون، له‌ بزوتنه‌وه‌ی ئازادی ژن ده‌ده‌ن، له‌ ژن ده‌ده‌ن. ئایا ئه‌م شتانه‌ جێگای په‌سه‌ندن؟ ره‌خنه‌گرتن له‌مانه‌ کۆسپ و ته‌گه‌ره‌ نین له‌ به‌رده‌م به‌رهه‌مهێنانى کلتور و هونه‌ری هیچ که‌سێکدا. به‌ پێچه‌وانه‌وه‌ ته‌گه‌ره‌یه‌ له‌به‌ر ئه‌و کلتور و هونه‌ره‌ی که‌ بۆته‌ ئامرازی سیستمی داگیرکاری و تاڵانکاری کاپیتالیزمدا. به‌دیهێنانی خۆڕزگارکردنه‌ له‌ بوون به‌ ئامراز. رێبه‌رایه‌تی زوو زوو ئاماژه‌ به‌وه‌ ناکات که‌ ئه‌مڕۆ زیاتر کلتور و هونه‌ر و وێژه‌ له‌ لایه‌ن سیستمه‌وه‌ به‌کار ده‌هێنرێ؟ ناڵێ ئاین، وه‌رزش، هونه‌ر و ته‌نانه‌ت زانستیش له‌ لایه‌ن سیستمه‌وه‌ به‌کار ده‌هێنرێ؟

 سیاسه‌تی کلتور و هونه‌ری ئێمه‌، له‌ نێو پێگه‌یه‌کی توند و دژوار و پته‌ودایه‌ له‌ به‌رامبه‌ر به‌کارهێنانى کلتور و هونه‌ر له‌ لایه‌ن سیستمی کاپیتالیسته‌وه‌. ئه‌مه‌ پێگه‌ و هه‌ڵوێستی ئێمه‌یه‌. تێکۆشان و نزیکبوونمان ئه‌مه‌یه‌. پێویسته‌ هه‌موو که‌س باش له‌مه‌ تێبگات. پێویسته‌ هه‌موو که‌سێکیش باش به‌دوای ئه‌مه‌دا بچێت. نابێ که‌س خۆی له‌ تێگه‌یشتن له‌ وته‌کانمان بدزێته‌وه‌. نابێ له‌ گوێیه‌که‌وه‌ بچێته‌ ژووره‌وه‌ و له‌وه‌که‌ی تریانه‌وه‌ بێته‌ ده‌ره‌وه‌. ناشێ به‌ وته‌ی ده‌سته‌واژی بیردۆزی و ده‌سته‌واژه‌ى کلاسیک و خۆنه‌گونجاندن به‌ گوێره‌ی پێشکه‌وتنه‌کانی جیهان هه‌ڵسه‌نگێندرێت. ئه‌مانه‌ نرخاندنی دواکه‌وتوون و نرخاندنی پاشڤه‌ڕۆپه‌رستییه‌. ئه‌مه‌ش ده‌بێته‌ وتنی "بۆچی راده‌ستی سیستمی کاپیتالیست نابن؟ بۆچی راده‌ستی سیستمی ئه‌مڕۆی شارستانی نابن؟" سه‌رۆکایه‌تیمان و ئه‌م بزوتنه‌وه‌یه‌ش راده‌ستی سیستمی شارستانى که‌ جێگای باسه‌ نه‌بوون و ته‌سلیمیش نابن. له‌به‌ر ئه‌وه‌ی که‌ دونیا به‌و شێوه‌یه‌، ئێمه‌ش وا نابین. له‌ به‌رامبه‌ر دنیایه‌کی وه‌هادا تێده‌کۆشین. هه‌ڵبه‌ته‌ ئه‌م تێکۆشانه‌ ده‌بێته‌ دژبه‌ری ره‌وشی دۆخی ئێستا که‌ به‌ڕاستیش وه‌ک دژبه‌رایه‌تییه‌ک لێک ده‌درێته‌وه‌. پیلانگێڕی و گه‌له‌کۆمه‌ی له‌ دژی رێبه‌رایه‌تیمان له‌به‌ر ئه‌م هۆکاره‌ بوو. هێشتا به‌رده‌وامکردنی ئه‌و هێرشانه‌ی سه‌ر بزوتنه‌وه‌که‌مان، له‌به‌ر په‌سه‌ندنه‌کردنی سیستمی داگیرکاری و نکۆڵیکاری سه‌ر گه‌لی کورده‌. هه‌ر که‌سێک له‌مه‌ تێده‌گات، هونه‌رمه‌ندانیش تێده‌گه‌ن، ناشێ بوترێ هیچ په‌یوه‌ندی به‌ ئێمه‌وه‌ نییه‌، ئێمه‌ ده‌خوێنینه‌وه‌ و ده‌یگه‌یه‌نین، ئه‌و به‌رهه‌م و هونه‌ره‌ی که‌ ئێمه‌ ده‌یکه‌ین ئه‌و وێژه‌یه‌ی کاری له‌سه‌ر ده‌که‌ین گرنگ نییه‌ به‌که‌ڵکی چ دێ یان نا.

به‌ تێکۆشانی ئازادی و دیموکراتیکی گه‌لی کورد، هه‌ڵێکی به‌هێزی ژیانێکی نوێ ره‌خساوه‌. پێویسته‌ ئه‌م ده‌رفه‌تانه‌ به‌ به‌رهه‌مه‌ کلتوری و هونه‌رییه‌کان زیاتر په‌ره‌ی پێ بدرێن. له‌ لایه‌کی دیکه‌شه‌وه‌ بۆ پاراستنی نرخ و به‌ها و ده‌ستکه‌وته‌کان و بۆ پوچه‌ڵکردنه‌وه‌ی هێرشه‌کانى سه‌ر به‌ره‌ی کلتوری تێکۆشانی ئازادی و دیموکراتیکمان پێویسته‌ به‌رهه‌می وه‌ها گه‌شه‌ بدرێت که‌وا هۆشیارییه‌کان له‌م بواره‌وه‌ زیاتر بکات که‌ فه‌لسه‌فه‌ی ژیان و تێکۆشان به‌ره‌و پێشه‌وه‌ ببات. پێویسته‌ هونه‌رمه‌ندان باش ئه‌وه‌ بسه‌لمێنن که‌ هێرشێکی کلتوری له‌ به‌رامبه‌ر گه‌ل هه‌یه‌ یان نا. به‌ تایبه‌تیش ده‌پرسین، کلتوری به‌ناوبانگی، ئه‌و کلتوره‌ی که‌ مرۆڤ له‌ نێو ده‌بات، هێرشێکی به‌وشێوه‌یه‌ هه‌یه‌ یان نا؟. کلتوری کاپیتالیست و شێوه‌ی خودپه‌رستی ژیانی کاپیتالیست له‌نێو هێرشێکی وه‌هادایه‌ یان نا؟. هێرشێکی کلتوری له‌سه‌ر ژن، له‌سه‌ر به‌کارهێنانى وه‌ک ناوه‌ڕۆکێکی ره‌گه‌زی، هێرشێک که‌ هه‌ست و ئاره‌زووه‌کانی سیستمی پیاوسالاری ده‌کات هه‌یه‌ یان نا؟ له‌ کاتێکدا که‌ ته‌واوى ئه‌م راستیانه‌ له‌ به‌رچاودان، هونه‌رمه‌ندان پێویسته‌ له‌ به‌ره‌یه‌کی تێکۆشان له‌ به‌رامبه‌ر ئه‌و هێرشانه‌دا جێگه‌ بگرن. له‌ ژێر روناکی ئه‌م راستیانه‌دا بانگهێشتى هونه‌رمه‌ندان و هاوپیشه‌کانیان ده‌که‌ین که‌وا له‌ یادی هونه‌رمه‌ندان "شه‌هید سه‌فقان، شه‌هید سه‌رحه‌د، شه‌هید مزگین، عه‌لی ته‌مه‌ل و شه‌هیدانی رێگه‌ی تێکۆشانی دژبه‌ سیستمی ده‌سه‌ڵاتگه‌را و داگیرکار و ده‌وڵه‌تگه‌را و هیارارشی و پیاوسالاری، هه‌روه‌ها ئه‌و هونه‌رمه‌ندانه‌ی که‌ له‌م رێگه‌دا تووشی ئێش و ئازار بوونه‌ته‌وه‌ و کوژراون یان خراونه‌ته‌ نێو زیندانه‌کانه‌وه‌، بۆ پێویستی نیشاندانی په‌یوه‌ستی به‌م رێبازه‌ پیرۆزه‌وه‌ و په‌ره‌دان به‌ به‌ها و نرخه‌ خوڕه‌وشتی ئازادی، خوڕه‌وشتی دیموکراتیک و به‌ها و نرخه‌کانی کۆمیناڵی دیموکراتیک، پێویسته‌ له‌نێو به‌ره‌ی تێکۆشانی کلتوریدا جێ بگرن و وه‌ک له‌ رابردوودا بینراوه‌ ئه‌مڕۆش بۆ پێکهێنانى ئه‌رکه‌کانی سه‌رشانیان بێنه‌ مه‌یدانه‌وه‌.

هونه‌ر گه‌شه‌پێده‌ری ره‌وشتی ئازادی و هانده‌ری تێكۆشانی كۆمه‌ڵگایه‌ (2)

سیستم به‌ ته‌له‌فزیۆن و رۆژنامه‌ و زنجیره‌ دراماکان و مۆسیقای جیاجیاوه‌ ده‌یه‌وێ به‌ربه‌ست بخاته‌ به‌رده‌می و هه‌وڵی به‌سه‌ربردن و سازشکردنی ده‌دات ...

هونه‌ر گه‌شه‌پێده‌ری ره‌وشتی ئازادی و هانده‌ری تێكۆشانی كۆمه‌ڵگایه‌ (1)

ژیانی كلتور و هونه‌ر، چالاكی سه‌رله‌نوێ به‌رهه‌مهێنانه‌وه‌یه‌ ...

كولتوور لەسەر بنجی خۆی دەڕوێتەوە

ئەو دەوڵەتەی كە لەباشووردا بونیاد بنرێ، ناتوانێ لە ئەمریكایەكی بچووك بەولاوە بچێ. ئەمەش بەشێوەیەك لە ئێستادا دەیبینین...

2017 © Partiya Karkerên Kurdistan (PKK)
[email protected]